ՄԱՆԿԱՎԱՐԺՈՒԹՅԱՆ 065 ՄԱՍՆԱԳԻՏԱԿԱՆ ԽՈՐՀՐԴՈՒՄ ՊԱՇՏՊԱՆԱԾ ԱԻԴԱ ՏԻԳՐԱՆՅԱՆԻ ԹԵԿՆԱԾՈՒԱԿԱՆ ԱՏԵՆԱԽՈՍՈՒԹՅԱՆ ՎԵՐԱԲԵՐՅԱԼ
Ղեկավարվելով «Վարչարարության հիմունքների և վարչական վարույթի մասին» ՀՀ օրենքի (այսուհետ նաև` «օրենք») 4-րդ, 5-րդ, 6-րդ, 7-րդ, 8-րդ, 9-րդ, 10-րդ և 11-րդ գլուխների պահանջներով,
Ուսումնասիրելով Աիդա Տիգրանյանին մանկավարժական գիտությունների թեկնածուի գիտական աստիճան շնորհելու վերաբերյալ Մանկավարժության 065 մասնագիտական խորհրդի կայացրած որոշումը, որակավորման գործը, ՀՀ կրթության, գիտության, մշակույթի և սպորտի նախարարի 10.06.2020թ.-ի թիվ 02-20 որոշումը, ապահովելով փաստական հանգամանքների բազմակողմանի, լրիվ և օբյեկտիվ քննարկումը, բացահայտելով գործի բոլոր, այդ թվում՝ վարույթի մասնակիցների օգտին առկա հանգամանքները
ՊԱՐԶԵՑԻ
I. ՆԿԱՐԱԳՐԱԿԱՆ ՄԱՍ
1. ՀՀ կրթության, գիտության, մշակույթի և սպորտի նախարարության բարձրագույն որակավորման կոմիտեի (այսուհետ նաև` «ԲՈԿ») հասարակական գիտությունների բաժնի ուսումնասիրությունների արդյունքում բացահայտվել է, որ Աիդա Տիգրանյանի ատենախոսության մեջ առկա են այլ աղբյուրներից առանց համապատասխան հղումների օգտագործված հետևյալ նյութերը`
1.1. Աիդա Տիգրանյանի «Շարունակական կրթության հիմնախնդիրը Հայաստանի կրթության համակարգում» վերտառությամբ ատենախոսության (այսուհետ նաև` «Ատենախոսություն») 78-րդ էջի նախավերջին պարբերության երկրորդ նախադասությունից մինչև 79-րդ էջի առաջին պարբերությունը փոխառված է Հավելված N 1 ՀՀ կառավարության 2012 թ. մարտի 15-ի նիստի N 10 արձանագրային որոշման ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՄԱՍՆԱԳԻՏԱԿԱՆ ԿՐԹԱԿԱՆ ՀԱՄԱԿԱՐԳԻ` ԵՎՐՈՊԱԿԱՆ ԲԱՐՁՐԱԳՈՒՅՆ ԿՐԹԱԿԱՆ ՏԱՐԱԾՔԻՆ ԻՆՏԵԳՐՄԱՆ ԳՈՐԾԸՆԹԱՑԻ ԸՆԴԼԱՅՆՄԱՆ ԾՐԱԳՐԻ 2-րդ էջի 4-րդ և 5-րդ կետերից:
1.2. Ատենախոսության 79-րդ էջը` «Ակադեմիական կրեդիտների կուտակման և փոխանցման համակարգ» ենթաբաժնի 63 հղումից հետո՝ «Կրեդիտային» բառից սկսած մինչև 80-րդ էջի առաջին պարբերության ավարտը` նույն ԾՐԱԳՐԻ 3-րդ էջի 6-րդ կետի վերջին պարբերությունից:
1.3. Ատենախոսության 81-րդ էջի վերջում ընդգծված վերնագրից սկսած մինչև 83-րդ էջի առաջին պարբերության ավարտը` նույն ԾՐԱԳՐԻ 5-րդ էջի 5-րդ, 13-րդ, 14-րդ, 15-րդ կետերից:
1.4. Ատենախոսության 83-րդ էջի երկրորդ պարբերության սկզբից մինչև 84-րդ էջի առաջին պարբերության ավարտը` նույն ԾՐԱԳՐԻ 6-7-րդ էջերի 18-րդ, 19-րդ, 20-րդ, 21-րդ կետերից:
1.5. Ատենախոսության 83-րդ էջի երկրորդ պարբերության սկզբից մինչև 84-րդ էջի առաջին պարբերության ավարտը` նույն ԾՐԱԳՐԻ 13-րդ էջի 46-րդ կետից:
1.6. Ատենախոսության 86-րդ էջի 69 հղումից հետո սկսվող երրորդ պարբերությունից մինչև 90-րդ էջի ավարտը` նույն ԾՐԱԳՐԻ 14-17-րդ էջերի 47-րդ կետի 1) բ, ե, 3) ա, բ, 4) ա, բ, գ, 5) ա, բ, 6) ա, բ, գ, 7) ա, բ, 9) ա, բ ենթակետերից:
1.7. Ատենախոսության 102-րդ էջի երկրորդ նախադասությունից մինչև էջի ավարտը` ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿՐԹՈՒԹՅԱՆ ՄԱՍԻՆ ՕՐԵՆՔԻ /ընդունվել է Ազգային ժողովի կողմից 1999թ. ապրիլի 14-ին/ 3-րդ հոդվածից:
1.8. Ատենախոսության 35-րդ էջի առաջին պարբերությունը` Ս. Խաչատրյանի, Ս. Պետրոսյանի, Գ. Թերզյանի ՈՒՍՈՒՑԻՉՆԵՐԻ ՄԱՍՆԱԳԻՏԱԿԱՆ ԶԱՐԳԱՑՄԱՆ ԵՎ ԿՐԹՈՒԹՅԱՆ ԲՈՎԱՆԴԱԿՈՒԹՅԱՆ ԳՆԱՀԱՏՈՒՄԸ՝ ՀԱՅԱՍՏԱՆՈՒՄ ՀԱՆՐԱԿՐԹՈՒԹՅԱՆ ԲԱՐԵՓՈԽՈՒՄՆԵՐԻ ՀԱՄԱՏԵՔՍՏՈՒՄ ձեռնարկի 9-րդ էջի ներածությունից:
1.9. Ատենախոսության 38-րդ էջը՝ նույն ձեռնարկի 9-րդ և 10-րդ էջերից:
1.10. Ատենախոսության 39-րդ էջից մինչև 42-րդ էջը՝ նույն ձեռնարկի 11-րդ էջից մինչև 14-րդ էջի ԳԼՈՒԽ 1-ի 1.1, 1.2 և 1.3 ենթաբաժիններից:
1.11. Ատենախոսության 43-րդ էջից մինչև 46-րդ էջը՝ նույն ձեռնարկի 18-րդ էջից մինչև 20-րդ էջի ԳԼՈՒԽ 1-ի 1.4 ենթաբաժնից:
1.12. Ատենախոսության 46-րդ էջից մինչև 56-րդ էջը՝ նույն ձեռնարկի 21-րդ էջից մինչև 56-րդ էջի ԳԼՈՒԽ 2-ի 2.1, 2.2, 2.3, 2.4, 2.5 և ԳԼՈՒԽ 3-ի 3.1, 3.2 ենթաբաժիններից:
2. ՀՀ կրթության, գիտության, մշակույթի և սպորտի նախարարության բարձրագույն որակավորման կոմիտեի նախագահի 13.03.2020թ.-ի թիվ 35-Ա հրամանով մերժվել է Աիդա Տիգրանյանին մանկավարժական գիտությունների թեկնածուի գիտական աստիճան շնորհելու վերաբերյալ 065 մասնագիտական խորհրդի կայացրած որոշումը:
3. ՀՀ քաղաքացի Աիդա Տիգրանյանը 2020թ.-ի մայիսի 13-ին վարչական բողոք է ներկայացրել Հայաստանի Հանրապետության կրթության, գիտության, մշակույթի և սպորտի նախարարություն՝ բարձրագույն որակավորման կոմիտեի նախագահի 13.03.2020 թվականի «Աիդա Տիգրանյանին գիտական աստիճան շնորհելու վերաբերյալ մանկավարժության 065 մասնագիտական խորհրդի որոշումը մերժելու մասին» թիվ 35-Ա հրամանն անվավեր ճանաչելու և գիտական աստիճանի վկայագիր տալու մասին որոշում կայացնելու վերաբերյալ:
4. Հիմք ընդունելով քաղաքացի Աիդա Տիգրանյանի կողմից 2020թվականի մայիսի 13-ին ներկայացված դիմումը ՀՀ կրթության, գիտության, մշակույթի և սպորտի նախարարի կողմից 2020 թվականի մայիսի 13-ին հարուցվել է վարչական վարույթ:
5. Վարչական վարույթի արդյունքում ՀՀ կրթության, գիտության, մշակույթի և սպորտի նախարարը 10.06.2020թ.-ին կայացնում է թիվ 02-20 որոշումը «ՀՀ քաղաքացի Աիդա Տիգրանյանի՝ «ՀՀ քաղաքացի Աիդա Տիգրանյանի՝ «Հայաստանի Հանրապետության կրթության, գիտության, մշակույթի և սպորտի նախարարության բարձրագույն որակավորման կոմիտեի նախագահի 2020 թվականի մարտի 13-ի «Մանկավարժության 065 մասնագիտական խորհրդում պաշտպանած Աիդա Տիգրանյանի թեկնածուական ատենախոսության վերաբերյալ» թիվ 35-ա հրամանն անվավեր (ուժը կորցրած) ճանաչելու և գիտական աստիճանի վկայագիր տալու մասին որոշում կայացնելու վերաբերյալ վարչական բողոքով ներկայացված պահանջը մասնակի բավարարելու մասին» (այսուհետ նաև` «Որոշում»), որով մասնավորապես որոշում է`
1. Մասնակի բավարարել ՀՀ քաղաքացի Աիդա Տիգրանյանի կողմից 2020 թվականի մայիսի 13-ին ներկայացված՝ ՀՀ կրթության, գիտության, մշակույթի և սպորտի նախարարության բարձրագույն որակավորման կոմիտեի նախագահի 13.03.2020 թվականի «Աիդա Տիգրանյանին գիտական աստիճան շնորհելու վերաբերյալ մանկավարժության 065 մասնագիտական խորհրդի որոշումը մերժելու մասին» թիվ 35-Ա հրամանն անվավեր ճանաչելու և գիտական աստիճանի վկայագիր տալու մասին որոշում կայացնելու վերաբերյալ վարչական բողոքով ներկայացված պահանջը և
1) Անվավեր (ուժը կորցրած) ճանաչել ՀՀ բարձրագույն որակավորման կոմիտեի նախագահի՝ Մանկավարժության 065 մասնագիտական խորհրդում պաշտպանած Աիդա Տիգրանյանի թեկնածուական ատենախոսության վերաբերյալ 2020 թվականի մարտի 13-ի թիվ 35-Ա հրամանը,
2) Հանձնարարել ՀՀ բարձրագույն որակավորման կոմիտեի նախագահին՝ ընդունել նոր վարչական ակտ՝ Մանկավարժության 065 մասնագիտական խորհրդում պաշտպանած Աիդա Տիգրանյանի թեկնածուական ատենախոսության վերաբերյալ:
II. ՊԱՏՃԱՌԱԲԱՆԱԿԱՆ ՄԱՍ
Օրենքի 76-րդ հոդվածի 4-րդ մասի համաձայն` «Սույն հոդվածի 1-ին, 2-րդ և 3-րդ մասերով նախատեսված դեպքերում, եթե համապատասխան բողոքը, սույն օրենքին համապատասխան, քննարկում է վարչական ակտն ընդունած վարչական մարմնի վերադաս վարչական մարմինը, ապա բողոքն ամբողջությամբ կամ մասնակիորեն բավարարման ենթակա համարելու դեպքում վերադաս վարչական մարմինը կարող է ընդունել նշված մասերով նախատեսված որոշումներից որևէ մեկը կամ ամբողջությամբ կամ մասնակիորեն բեկանել գրավոր վարչական ակտը և հանձնարարել վարչական ակտն ընդունած ստորադաս վարչական մարմնին՝ ընդունելու նոր վարչական ակտ կամ դադարեցնելու ոչ իրավաչափ գործողությունը կամ կատարելու հայցվող գործողությունը»:
Տվյալ դեպքում ՀՀ կրթության, գիտության, մշակույթի և սպորտի նախարարը հանձնարարել է ԲՈԿ-ին ընդունելու նոր վարչական ակտ: Ընդ որում, Որոշմամբ տրված չէ նոր վարչական վարույթի համար շրջանակ, չի սահմանվել, հաստատվել որևէ փաստ, որը ԲՈԿ-ն անվերապահորեն պետք է հաշվի առներ նոր վարչական վարույթի ընթացքում, չի մատնանշվել, թե ԲՈԿ-ի որ գործողությունը, օրենքի մեկնաբանությունն է խախտում օրենսդրությունը: Դա նշանակում է, որ ԲՈԿ-ին հանձնարարվել է իրականացնել նոր վարչական վարույթ և այդ վարչական վարույթի շրջանակներում ամբողջությամբ բազմակողմանի, լրիվ և օբյեկտիվ ուսումնասիրել վարչական վարույթի նյութերը: Բացի դրանից, չկա վերադաս վարչական մարմնի ընդունած որևէ ակտ, որը ԲՈԿ-ի` օրենքին նախկինում տրված որևէ մեկնաբանություն կճանաչի սխալ:
Այս նոր վարչական վարույթի շրջանակներում ԲՈԿ-ը պարտավոր է կիրառել իր գործունեությունը կարգավորող բոլոր օրենսդրական ակտերը` առավել ևս, որ Որոշմամբ առկա չէ ԲՈԿ-ին օրենքի որոշակի ձևով մեկնաբանելու, որոշակի փաստ որոշակի ձևով գնահատելու հանձնարարական:
Օրենքի 37-րդ հոդվածի 1-ին մասի համաձայն` «Վարչական մարմինը պարտավոր է ապահովել փաստական հանգամանքների բազմակողմանի, լրիվ և օբյեկտիվ քննարկումը` բացահայտելով գործի բոլոր, այդ թվում` վարույթի մասնակիցների օգտին առկա հանգամանքները»:
«Գիտական և գիտատեխնիկական գործունեության մասին» ՀՀ օրենքի 15.2 հոդվածի 3-րդ մասի 2-րդ կետի համաձայն` «Բարձրագույն որակավորման կոմիտեն՝ հաստատում և համապատասխան դիպլոմներով ամրագրում է գիտական աստիճանները` հիմք ընդունելով մասնագիտական խորհուրդների որոշումները և որակավորման գործի ուսումնասիրությունը»:
Ըստ ՀՀ կառավարության 08.08.1997թ.-ի «Հայաստանի Հանրապետությունում գիտական աստիճանաշնորհման կանոնակարգը հաստատելու մասին» թիվ 327 որոշմամբ հաստատված «Հայաստանի Հանրապետությունում գիտական աստիճանաշնորհման կանոնակարգի» (այսուհետ նաև` «Կանոնակարգ») 30-րդ կետի` «Դրական որոշման դեպքում խորհուրդը ԲՈԿ է ուղարկում որակավորման գործը, որն ընդգրկում է ատենախոսությունը, սեղմագիրը և խորհրդի աշխատանքի կանոնակարգով սահմանված փաստաթղթերը: Բացասական որոշման դեպքում խորհուրդն այդ մասին գրավոր հայտնում է ԲՈԿ-ին և հայցորդին է տալիս քաղվածք խորհրդի նիստի արձանագրությունից` գաղտնի քվեարկության արդյունքների մասին»:
Ըստ Կանոնակարգի 31-րդ կետի` «ԲՈԿ-ը ուսումնասիրում է որակավորման գործը և սույն կանոնակարգի 10-րդ, 11-րդ, ինչպես նաև 13-րդ կետերի պահանջներին անհամապատասխանություն հայտնաբերելու դեպքում մերժում է գիտական աստիճան շնորհելու մասին խորհրդի միջնորդությունը և մերժման մասին որոշումը ուղարկում է խորհուրդ»:
Ըստ «Նորմատիվ իրավական ակտերի մասին» ՀՀ օրենքի 41-րդ հոդվածի 1-ին մասի` «Նորմատիվ իրավական ակտի նորմը մեկնաբանվում է` հաշվի առնելով նորմատիվ իրավական ակտն ընդունելիս այն ընդունող մարմնի նպատակը՝ ելնելով դրանում պարունակվող բառերի և արտահայտությունների տառացի նշանակությունից, ամբողջ հոդվածի, գլխի, բաժնի կարգավորման համատեքստից, այն նորմատիվ իրավական ակտի դրույթներից, ի կատարումն որի ընդունվել է այդ ակտը, տվյալ նորմատիվ իրավական ակտով սահմանված սկզբունքներից, իսկ այդպիսի սկզբունքներ սահմանված չլինելու դեպքում` տվյալ իրավահարաբերությունը կարգավորող իրավունքի ճյուղի սկզբունքներից»:
Մասնավորապես, Կանոնակարգի 11-րդ կետի համաձայն` «Ատենախոսության մեջ հայցողը պարտավոր է նշել այն հեղինակներին և աղբյուրները, որոնցից նա փոխառել է առանձին դրույթներ կամ նյութեր»:
Նշված նորմերի համակարգային ուսումնասիրությունից ակնհայտ է, որ գիտական աստիճան կարող է շնորհվել, եթե առկա է համապատասխան խորհրդի դրական որոշումը, և դրա հետ մեկտեղ ԲՈԿ-ի ուսումնասիրության արդյունքում չի հայտնաբերվել Կանոնակարգի 10-րդ, 11-րդ, ինչպես նաև 13-րդ կետերի խախտում: ԲՈԿ-ը գիտական աստիճան տրամադրում է երկու փաստի հիման վրա` 1. մասնագիտական խորհրդի որոշում, և 2. Որակավորման գործի ուսումնասիրություն: Այս երկու հիմքերի ուսումնասիրության և դրանց արդյունքում միաժամանակյա դրական կարծիքի առկայության դեպքում միայն ԲՈԿ-ը կարող է համապատասխան դիպլոմով հաստատել և ամրագրել գիտական աստիճանները:
ԲՈԿ-ի հասարակական գիտությունների բաժնի ուսումնասիրությունների արդյունքում բացահայտվել է, որ Աիդա Տիգրանյանի ատենախոսության մեջ առկա են այլ աղբյուրներից առանց համապատասխան հղումների օգտագործված հետևյալ նյութերը`
1. Ատենախոսության 78-րդ Էջի նախավերջին պարբերության երկրորդ նախադասությունից մինչև 79-րդ էջի առաջին պարբերությունը փոխառված է Հավելված N 1 ՀՀ կառավարության 2012 թ. մարտի 15-ի նիստի N 10 արձանագրային որոշման ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՄԱՍՆԱԳԻՏԱԿԱՆ ԿՐԹԱԿԱՆ ՀԱՄԱԿԱՐԳԻ` ԵՎՐՈՊԱԿԱՆ ԲԱՐՁՐԱԳՈՒՅՆ ԿՐԹԱԿԱՆ ՏԱՐԱԾՔԻՆ ԻՆՏԵԳՐՄԱՆ ԳՈՐԾԸՆԹԱՑԻ ԸՆԴԼԱՅՆՄԱՆ ԾՐԱԳՐԻ 2-րդ էջի 4-րդ և 5-րդ կետերից:
2. Ատենախոսության 79-րդ էջը` «Ակադեմիական կրեդիտների կուտակման և փոխանցման համակարգ» ենթաբաժնի 63 հղումից հետո՝ «Կրեդիտային» բառից սկսած մինչև 80-րդ էջի առաջին պարբերության ավարտը` նույն ԾՐԱԳՐԻ 3-րդ էջի 6-րդ կետի վերջին պարբերությունից:
3. Ատենախոսության 81-րդ էջի վերջում ընդգծված վերնագրից սկսած մինչև 83-րդ էջի առաջին պարբերության ավարտը` նույն ԾՐԱԳՐԻ 5-րդ էջի 5-րդ, 13-րդ, 14-րդ, 15-րդ կետերից:
4. Ատենախոսության 83-րդ էջի երկրորդ պարբերության սկզբից մինչև 84-րդ էջի առաջին պարբերության ավարտը` նույն ԾՐԱԳՐԻ 6-7-րդ էջերի 18-րդ, 19-րդ, 20-րդ, 21-րդ կետերից:
5. Ատենախոսության 83-րդ էջի երկրորդ պարբերության սկզբից մինչև 84-րդ էջի առաջին պարբերության ավարտը` նույն ԾՐԱԳՐԻ 13-րդ էջի 46-րդ կետից:
6. Ատենախոսության 86-րդ էջի 69 հղումից հետո սկսվող երրորդ պարբերությունից մինչև 90-րդ էջի ավարտը` նույն ԾՐԱԳՐԻ 14-17-րդ էջերի 47-րդ կետի 1) բ, ե, 3) ա, բ, 4) ա, բ, գ, 5) ա, բ, 6) ա, բ, գ, 7) ա, բ, 9) ա, բ ենթակետերից:
7. Ատենախոսության 102-րդ էջի երկրորդ նախադասությունից մինչև էջի ավարտը` ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿՐԹՈՒԹՅԱՆ ՄԱՍԻՆ ՕՐԵՆՔԻ /ընդունվել է Ազգային ժողովի կողմից 1999թ. ապրիլի 14-ին/ 3-րդ հոդվածից:
8. Ատենախոսության 35-րդ էջի առաջին պարբերությունը` Ս. Խաչատրյանի, Ս. Պետրոսյանի, Գ. Թերզյանի ՈՒՍՈՒՑԻՉՆԵՐԻ ՄԱՍՆԱԳԻՏԱԿԱՆ ԶԱՐԳԱՑՄԱՆ ԵՎ ԿՐԹՈՒԹՅԱՆ ԲՈՎԱՆԴԱԿՈՒԹՅԱՆ ԳՆԱՀԱՏՈՒՄԸ՝ ՀԱՅԱՍՏԱՆՈՒՄ ՀԱՆՐԱԿՐԹՈՒԹՅԱՆ ԲԱՐԵՓՈԽՈՒՄՆԵՐԻ ՀԱՄԱՏԵՔՍՏՈՒՄ ձեռնարկի 9-րդ էջի ներածությունից:
9. Ատենախոսության 38-րդ էջը՝ նույն ձեռնարկի 9-րդ և 10-րդ էջերից:
10. Ատենախոսության 39-րդ էջից մինչև 42-րդ էջը՝ նույն ձեռնարկի 11-րդ էջից մինչև 14-րդ էջի ԳԼՈՒԽ 1-ի 1.1, 1.2 և 1.3 ենթաբաժիններից:
11. Ատենախոսության 43-րդ էջից մինչև 46-րդ էջը՝ նույն ձեռնարկի 18-րդ էջից մինչև 20-րդ էջի ԳԼՈՒԽ 1-ի 1.4 ենթաբաժնից:
12. Ատենախոսության 46-րդ էջից մինչև 56-րդ էջը՝ նույն ձեռնարկի 21-րդ էջից մինչև 56-րդ էջի ԳԼՈՒԽ 2-ի 2.1, 2.2, 2.3, 2.4, 2.5 և ԳԼՈՒԽ 3-ի 3.1, 3.2 ենթաբաժիններից:
Հետևաբար, Աիդա Տիգրանյանի «Շարունակական կրթության հիմնախնդիրը Հայաստանի կրթության համակարգում» վերտառությամբ ատենախոսությունը չի համապատասխանում Կանոնակարգի 11-րդ կետին:
III. ԵԶՐԱՓԱԿԻՉ ՄԱՍ
Հիմք ընդունելով վերը շարադրվածը` ԲՈԿ-ի հասարակական գիտությունների բաժնի ուսումնասիրությունների արդյունքում Ատենախոսության մեջ այլ աղբյուրներից առանց համապատասխան հղումների օգտագործված նյութերի առկայության բացահայտումը, ինչը հանդիսանում է ՀՀ կառավարության 08.08.1997թ.-ի «Հայաստանի Հանրապետությունում գիտական աստիճանաշնորհման կանոնակարգը հաստատելու մասին» թիվ 327 որոշմամբ հաստատված «Հայաստանի Հանրապետությունում գիտական աստիճանաշնորհման կանոնակարգի» 11-րդ կետի խախտում, ղեկավարվելով ՀՀ «Վարչարարության հիմունքների և վարչական վարույթի մասին» ՀՀ օրենքի 4-րդ, 5-րդ, 6-րդ, 7-րդ, 8-րդ, 9-րդ, 10-րդ և 11-րդ գլուխների, «Գիտական և գիտատեխնիկական գործունեության մասին» ՀՀ օրենքի 15.2 հոդվածի 3-րդ մասի 2-րդ կետի, ՀՀ կառավարության 08.08.1997թ.-ի «Հայաստանի Հանրապետությունում գիտական աստիճանաշնորհման կանոնակարգը հաստատելու մասին» թիվ 327 որոշմամբ հաստատված «Հայաստանի Հանրապետությունում գիտական աստիճանաշնորհման կանոնակարգի» 31-րդ կետի պահանջներով`
ՈՐՈՇԵՑԻ
1. Մերժել Աիդա Տիգրանյանին մանկավարժական գիտությունների թեկնածուի գիտական աստիճան շնորհելու վերաբերյալ 065 մասնագիտական խորհրդի 19.10.2018 թ-ի միջնորդությունը:
2. Սույն հրամանն ուժի մեջ է մտնում վարչական վարույթի մասնակիցների կողմից այն ստանալու օրվանից:
3. Սույն հրամանը կարող է երկամսյա ժամկետում` վարչական ակտի ուժի մեջ մտնելու պահից բողոքարկվել վերադասության կամ դատական կարգով` «Վարչարարության հիմունքների և վարչական վարույթի մասին» ՀՀ օրենքով և ՀՀ վարչական դատավարության օրենսգրքով սահմանված կարգով:
ԿՈՄԻՏԵԻ ՆԱԽԱԳԱՀ ՍՄԲԱՏ ԳՈԳՅԱՆ